«KAZsport» телеарнасы «Лион» - «ПСЖ» матчын ұсынады
«KAZsport» телеарнасы футболдан Франция лигасы кубогының финалындағы «Лион» - «ПСЖ» матчын тікелей эфирде көрсетеді. Бұл ойын сенбі, 19 сәуірде өтеді.
«Лион» финалға дейін «Реймс», «Марсель», «Труа» командаларынан басым түсті. Ал «ПСЖ» болса «Сент-Этьен», «Бордо», «Нант» командаларын жарыстан шығарып тастады.
Францияның кәсіби футбол лигасы бұл турнирді 1994 жылдан бастап ұйымдастырып келеді. Турнирде жеңіске жеткен командаға Еуропа Лигасына жолдама беріледі. Өткен маусымда «Сент-Этьен» клубы кубок иегері атанған еді.
Фото: olympique-et-lyonnais.com
