Бүгін - Қазақстан футболының күні
Бүгін, 25 сәуір күні елімізде Қазақстан футболының күні аталып өтіледі. 12 жыл бұрын дәл осы күні Стокгольмде (Швеция) Қазақстанның Ұлттық футбол қауымдастығы УЕФА құрамына қабылданды.
2002 жылдың 25 сәуірінде Қазақстан Еуропа футбол қауымдастығының 52-ші мүшесі атанды. УЕФА-дағы 12 жыл ішінде Қазақстан балалар мен жасөспірімдер, бұқаралық, кәсіби футбол, инфрақұрылымды дамыту, жаттықтырушылар мен төреші мамандарды даярлау саласында көптеген оң өзгерістерге қол жеткізді, делінген Қазақстан футбол федерациясы таратқан мәлімдемде.
Еуропалық футбол қауымдастығы ұйымы УЕФА-ның кезекті 38-ші Конгресін 2014 жылдың наурызында Астанада өткізу туралы шешімі - УЕФА тарапынан Қазақстан футболының қарқынды дамып келе жатқанына берілген бағасы.
ҚазАқпарат
