Футболдан Қазақстан әйелдер құрамасы Болгарияны ойсырата жеңдi

Бүгiн Отан қорғаушылардың төл мерекесi күнi футболдан Қазақстан әйелдер құрамасы 2015 жылғы Әлем чемпионатының iрiктеу додасы аясында елорданың «Астана-Арена» стадионында Болгария құрамасын қабылдап, қарсыластарынан басым түсті. Қарсылас қорғанысын күл-талқан еткен аруларымыз 4:1 есебiмен жеңiске жеттi. Алдымен жартылай қорғаушы Мадина Жаңатаева есеп ашса, соңынан команда капитаны Бегайым Қырғызбаева дубльдiң авторы атанды. Екiншi таймда да басымдыққа ие болған аруларымыз 70-шi минутта есептi тағы еселей түстi. Қарсылас қақпасына төртiншi допты соққан Ұлттық құраманың үздiгі Мария Ялова болатын. Қорытынды есеп - 4:1. Қазақстан — Болгария 4:1 (3:1) Голдар: Жаңатаева 9 (1:0), Қырғызбаева 21 (2:0), Қырғызбаева 34 (3:0), Кирева 43 (3:1), Ялова 70 (4:1) Қазақстан: Железняк, Николаенко (Идиатуллина 14), Жолшиева, Красюкова, Мясникова, Жаңатаева, Иванова, Қырғызбаева, Карибаева (Алякина 65), Вылданова, Ялова (Бабшук 90) Болгария: Шаханска, Махлелиева, Ражгева, Радойска, Петракиева (Господинова 61), Асенова, Начева, Петрунова, Кошулева, Кирева (Папазова 76), Попадийнова (Георгиева 81) Бас төрешi: Каролина Радзик-Йохан (Польша) Фото: kff.kz