«Манчестер Сити» - Англия чемпионы

Британияда чемпион анықталды.  «Манчестер Сити» клубының капитаны Венсан Компани Англия Премьер лигасының кубогін басынан асыра көтеріп өз командасының Англия чемпионатының жеңімпаздары екенін паш етті.  Премьер лиганың  соңғы, 38-ші турында «Манчестер Сити»  «Вест Хэм»клубынан 2:0 есебімен басым түсіп, чемпиондық атаққа қол жеткізді.

Гол авторлары : Насри 39, Компани 49.

 Мануэль Пеллегрини  Тұманды Альбиондағы алғашқы маусымын жеңіспен аяқтады.  Чемпиондық  атаққа негізгі үміткер деп танылған  «Ливерпуль» бұл маусымды екінші сатыда қорытындылады. Үздік үштікті  лондондық «Челси» толықтырды. Тағы бір лондондық клуб – «Арсенал»  біріншілікті төртінші орында аяқтап, Чемпиондар лигасының 2014-2015 жылғы маусымында ойнау құқығын сақтап қалды.

Айта кетейік, «KAZsport» телеарнасы АПЛ ойындарының жаңа маусымын қазақстандық көрермен назарына ұсынуды жоспарлап отыр.  Бұл туралы бүгін,  «Казмедиа орталығында»  өткен футболдан Бразилияда өтетін Әлем чемпионатының көрсетілімдеріне байланысты баспасөз маслихатында айтылды.

Фото: mcfc.co.uk