«Ақтөбе» Чемпиондар Лигасын жеңіспен бастады
«Ақтөбе» футбол клубы Чемпиондар Лигасының іріктеу кезеңіндегі алғашы кездесуде сырт алаңда грузиялық «Динамо» клубын 1:0 есебімен жеңді.
Ойынның алғашқы тайымында алаң иелері үш рет шабуыл жасаса, «Ақтөбе» клубы бір-ақ рет қауіпті соққымен жауап қайтарды. Нәтижесінде командалар бірінші таймда есеп аша алмады.
Ал, екінші таймды «Ақтөбеліктер» қарқынды бастады. Ойынның 51-ші минутында Данило Неконың баспен бағыттаған соққысын «Динамо» қақпашысы қайтара алмады. Бұдан соң гурзиялық футболшылар қанша шабуылдағанымен, Сиделиников қорғаған қақпаның саңлауын таба алған жоқ. Кездесу 1:0 есебімен «Ақтөбенің» пайдасына шешілді.
Қарымта кездесу 23-ші шілде күні Ақтөбе қаласындағы «Орталық алаңда» өтеді. Кездесуді «KAZsport» телеарнасы тікелей эфирде көрсетеді.
