Қазақстандық төрешілер алғашқы рет Еуропа Лигасының топтық кезеңіндегі ойында қызмет атқарады
Қазақстандық төрешілер УЕФА Еуропа Лигасындағы топтық кезеңдегі матчтың бірінде жұмыс атқаратын болады. Бұл – ел футболы тарихындағы алғашқы оқиға.
Берн қаласындағы (Швейцария) «Stade de Suisse» (Wankdorf) стадионында өтетін жергілікті «Янг Бойз» бен «Слован» (Братислава, Словакия) арасындағы ойынның бас төрешісі болып Артем Кучин белгіленді.
Оған Евгений Бельский мен Анатолий Ходин көмектеседі. Қосымша көмекшілер ретінде Александр Гаузер және Денис Измайлов шақырылған. Төртінші төреші болып Сергей Васютин тағайындалған.
Тек төрешілікті бақылаушы ғана Қазақстаннан емес, ол италиялық Альфредо Тренталандже.
Ойын 19-шы қыркүйек күні Астана уақытымен сағат 01:05-те өтеді.
Фото: fckaysar.kz
