Неко мен Пиззелли келісімшартты ұзартты
«Ақтөбе» футбол клубының шабуылшысы Данило Неко еңбек келісімшартын тағы екі жылға ұзартты.
Бразилиялық футболшы «Ақтөбе» сапына ақпан айында екі жылға ауысқан еді. Бұл маусымда Неко 23 ойын өткізіп, 5 гол соқты.
Сонымен қатар, жартылай қорғаушы Маркос Пиззеллимен екі жылға келісімшарт жасалды. «Ақтөбе» клубы маусым соңына дейін жалға алынған Армения құрамасының ойыншысын сатып алды. Пиззелли 25 ойын өткізіп, 7 голдың авторы атанды.
Ал, «Ақтөбе» қорғаушысы Роберт Арзуманян команда ауыстырады. Армения құрамасының ойыншысы жаңа маусымды Ресейдің «Амкар» клубында өткізеді, деп хабарлайды fcaktobe-fans.kz.
Фото: vk.com/fcaktobe
