Англия Премьер-Лигасының бес ойыншысы «Алтын доптан» үмітті

Халықаралық футбол қауымдастығы 23 ойыншыдан тұратын «Алтын доп» сыйлығына үміткерлердің тізімін жариялады. Олардың ішінде бес футболшы Англия Премьер-Лигасының өкілі.

Дәстүр бойынша бұл атаққа лайықты футболшылардың ішінде «Алтын доптың» қазіргі иегері Криштиану Роналду  мен осы жүлдемен төрт рет марапатталған Лионель Месси бар. Алайда, өткен маусымда Англия Премьер-Лигасының ең үздік сұрмергені атанған Луис Суарес бұл тізімде жоқ.

Дегенмен, ФИФА ұсынған тізімде «Челсидің» үш ойыншысы Тибо Куртуа, Эден Азар және Диего Коста бар. Сонымен қатар, «Манчестер Сити» жартылай қораушысы  Яя Туре  мен «Манчестер Юнайтедтің» жаңа ойыншысы Анхель Ди Мария енген.

Ал, жылдың ең үздік бапкері атағы үміткер 10 бапкердің ішінде Мануэль Пеллегрини («Манчестер Сити»), Жозе Моуриньо («Челси»)  және Луи Ван Гаал («Манчестер Юнайтед») бар.

«Алтын доп» иелерінің есімдері 12 қаңтар күні Швейцарияның Цюрих қаласындағы салтанатты шарада жарияланады.

Фото: eurosport.ru