«Барселонаның» бұрынғы тактикалық жаттықтырушысы Қазақстанның жастар құрамасын бапкері атанды
Футболдан Қазақстанның жастар құрамасының (U-17) бас бапкері болып испаниялық Карлес Марторелл Бакес тағайындалды, деп хабарлайды Қазақстан футбол федерациясының баспасөз қызметі.
Карлес Бакес 20 желтоқсанда ҚФФ-да өтетін баспасөз мәслихатында ресми түрде таныстырылады. Ол жаттықтырған Испания жастар құрамасы осы жазда ҚР Президенті Кубогын иеленген.
Айта кетейік, Карлес Марторелл Бакес «Барселона» клубында жұмыс істеп жүрген кезде бапкерлік әдістеме бойынша шебер дәрежесі және PRO A дәрежесіндегі ФИФА-ның бапкерлік лицензиясы болды. Бұл – Испания футбол лигасы үшін ең жоғары дәрежедегі лицензия.
«Барселона» футбол клубында тренер-директор болып жұмыс істеді. Ол команданы басқару және тактикаға жауап беретін маманның қызметін атқарған.
Фото: azerisport.com
