Мұрат Онал «Қыран» клубымен жаңа келісімшартқа қол қойды
Фуболдан Бірінші лигада өнер көрсететін шымкенттік «Қыран» клубының ойыншысы Мұрат Онал жергілікті клубпен жаңа келісімшартқа қол қойды.
Түркияда туып, Нидерландтың «Аякс» футбол клубының академиясында футбол әліппесін үйренген 27 жастағы жартылай қорғаушы былтыр «Қыран» клубымен бір жылдық келісімге келіп, маусым аяқталған соң Нидерландқа қайтып кеткен. Енді, қырандықтар сапына қайта оралды.
Мұрат Онал өткен маусымда «Қыран» сапында 27 рет алаңға шығып, 14 гол салған.
