«KAZsport» телеарнасы футзалдан Қазақстан құрамасының ойындарын тікелей эфирде көрсетеді
«KAZsport» телеарнасы Қазақстанның футзал қауымдастығымен бірге Румынияның «Digi Sport TV» спорт телеарнасымен келісімге келді. Осылайша футзалдан Қазақстан Ұлттық құрамасының Еуропа чемпионатына іріктеу ойындары тікелей эфирде көрсетіледі.
Осы уақытқа дейін Қазақстан ұлттық құрамасының ешбір ресми ойыны отандық телеарналарда көрсетілмеген еді.
Айта кетейік, бүгін қазақстандық футболшылар іріктеу ойындары аясындағы алғашқы кездесуін өткізеді. Қарсылас – алаң қожайындары Румыния құрамасы. Бұл ойынды Астана уақытымен 22:05-те тікелей эфирде көре аласыздар.
Көрсетілім кестесі:
18 наурыз 22:05 – Румыния-Қазақстан
19 наурыз 19:35 – Қазақстан-Португалия
21 наурыз 20:50 – Қазақстан-Грузия
Фото: afrk.kz
