Футболдан Президент Кубогы сайты жұмысын бастады
12 маусымнан Футболдан Президент Кубогы presidentcup.kz сайты толыққанды жұмысын бастады. Сайттан турнирдің мақсаты мен тарихы, VIІ Президент Кубогының күнтізбесі, турнирге қатысушы командалар, сонымен қатар басқа да ақпараттарды алуға болады. Қатысушы командалардың құрамы да сайтта жарияланбақ.
Еске сала кетейік, 19 жасқа дейінгі жасөспірім құрамалары қатысатын Президент Кубогы 21-26 маусым аралығында Астанада өтеді. Биыл турнирге 8 команда шығады. Олар - Қазақстан, Испания, Ресей, Беларусь, Грузия, Әзірбайжан, Қырғыз Республикасы және Тәжікстан елдерінің командалары.
Фото: ҚФФ
