«Астана» футбол клубы Чемпиондар Лигасында киетін жейдесін таныстырды
Бұл туралы клубтың ресми сайты хабарлады.
Еуропа Чемпиондар Лигасында тұңғыш рет қатысуына байланысты, үй және сырт алаңда киетін арнайы жаңа жейдеге тапсырыс берген.
«Астана» клубы Чемпиондар Лигасындағы екінші іріктеу кезеңіндегі алғашқы ойынын сырт алаңда Словенияның «Марибор» клубына қарсы өткізеді. Қарымта матч 22 шілдеде Астанада өтеді.
Еске сала кетейік, ойынды 14 шілдеде түнгі сағат 00:30-да «Қазақстан» Ұлттық телеарнасы тікелей эфирде көрсетеді.
