«Ертіс» футбол клубы Қырғыз елінің құрамасын ұтты
Павлодарлық «Ертіс» өз алаңында Қырғыз елінің құрамасымен жолдастық кездесу өткізіп, 2:0 есебімен жеңіске жетті, деп хабарлайды pavlodarnews.kz сайты
Ойынның 15-минутында «Ертіс» клубының футболшысы Эвандро Ронкатто гол салып, алаң иелерін есепте алға шығарды. Араға бес минут салып Константин Дудченко қырғыз қақпашысы Валерий Кашубаны тағы бір мәрте қапы қалдырды. Екінші таймда есеп өзгерген жоқ.
Сөйтіп, «Ертіс» клубы өз алаңында Қырғыз елі құрамасын 2:0 есебімен ұтып, жеңіске жетті.
