ФИФА «Алтын доп» иегерін 2016 жылдың 11 қаңтарында марапаттайды
Халықаралық футбол федерациясының таңдауы бойынша жылдың ең үздік футболшысына берілетін «Алтын доп» сыйлығы 2016 жылдың 11 қаңтарында Швейцарияның Цюрих қаласында беріледі.
Сондай-ақ, үздік футболшымен қатар, үздік ер және әйел бапкері, жылдың ең үздік голы, fair play сыйлығы беріледі. Және, жылдың үздік командасы анықталып, ФИФА президентінің сыйлығы табысталады.
Еске сала кетейік, былтырғы «Алтын допты» Португалия құрамасы мен испаниялық «Реал Мадрид» клубының ойыншысы Криштиану Роналду алған.
