Қазақстан жастар құрамасы Гранаткин Мемориалы турнирінде алғашқы ұпайын иеленді
1998 жылы туған футболшылардан құралған Қазақстан жасөспірімдер құрамасы Валентин Гранаткинді еске алуға арналған халықаралық турнирде 3-ші ойынын өткізді.
Жастарымыз Эстония құрамасымен кездесіп, 2:2 есебімен тең түсті. Тартысты өткен ойында Акмаль Бахтияров (30 мин) гол соғып, Қазақстан құрамасын алға шығарса, 9-шы минуттан кейін эстониялық Роберт Лепик есепті теңестірді.
Матчың соңында Каспер Мутсо пенальтиден гол соғып (86 мин), эстониялық команданы алға шығарды. Алайда ойынның 88-ші минутында Әлібек Қасым көзге түсіп, есепті теңестіріп кетті.
Енді жастарымыз келесі ойынын ертең, 9 қаңтарда, Молдова құрамасына қарсы өткізеді.
