«Қазақстан» Ұлттық телеарнасы әлемнің ең үздік футболшысын марапаттау рәсімін тікелей эфирде көрсетеді
11 қаңтарда Швейцарияның Цюрих қаласында ФИФА-ның 2015 жылғы ерлер және әйелдер арасындағы ең үздік футболшысы, ерлер және әйелдер командасының ең үздік бапкері мен жылдың «ең үздік голына» берілетін Ференц Пушкаш атындағы жүлденің иегері анықталады.
Бұл ресми марапаттауды Қазақстан Ұлттық телеарнасы 11 қаңтарда Астана уақытымен сағат 23:30-да тікелей эфирде көрсетеді.
Биылғы үміткерлер:
«Үздік футболшы» (ерлер):
Лионель Месси (Аргентина, «Барселона»);
Неймар (Бразилия, «Барселона»);
Криштиану Роналду (Португалия, «Реал»).
«Үздік футболшы» (әйелдер):
Карли Ллойд (АҚШ, «Хьюстон Дэш»)
Ая Мияма (Жапония, «Окаяма Белле Юного»)
Селия Шашич (Германия, «Франкфурт»).
«Үздік бапкер» (ерлер):
Хосеп Гвардиола (Испания, «Бавария»);
Луис Энрике (Испания, «Барселона»);
Хорхе Сампаоли (Аргентина, Чили құрамасы).
«Үздік бапкер» (әйелдер):
Джилл Эллис (АҚШ құрамасы);
Марк Сампсон (Англия құрамасы);
Норио Сасаки (Жапония құрамасы).
«Үздік гол», Ференц Пушкаш атындағы жүлде:
Алессандро Флоренци (Италия, «Рома»);
Вэнделл Лира (Бразилия, «Гоянезии»);
Лионель Месси (Аргентина, «Барселона»).
