«Ювентус» құрамына шабуылшы Гонсало Игуаин қосылды
«Наполи» футбол клубының аргентиналық шабуылшысы Гонсало Игуаин туриндік «Ювентус» құрамына қосылды. Трансфер құны 90 миллион евроны құраған. Футболшы мен «Ювентус» 5 жылдық келісімшартқа қол қойды.
Естеріңізге сала кетейік, 2013 жылдың жазында Игуаин «Наполи» құрамына мадридтік «Реал» клубынан 37 миллион евроға көшкен болатын. Және де соңғы маусымда Италия чемпионатының үздік сұрмергені атанды.
