«Қазақстан» Ұлттық телеарнасы Қазақстан - Румыния кездесуін тікелей эфирде көрсетеді
Бүгін 22:00-де «Астана Арена» стадионында 2018 жылғы футболдан Әлем чемпионатының іріктеу турнирі аясында Қазақстан Ұлттық құрамасы Румыниямен кездеседі.
Бұл ойын Қазақстан үшін осы турнир аясындағы үшінші ойын. Алғашқы екі матч қорытындысы бойынша біздің құрама Польшамен (2:2).бөліскен 1 ұпайдың арқасында 6 ұжымнан тұратын өз тобында бесінші орында тұр. Екінші матчта қазақстандық футболшылар бес гол жіберіп алған еді. Бұл іріктеу кезеңінде барлығы 7 гол жіберіп, 2 гол соққан.
Бұл кездесуді «Қазақстан» Ұлттық телеарнасы тікелей эфирде көрсетеді. Трансляцияның басталуы 21:50-де. Сондай-ақ, kaztrk.kz сайтында онлайн-көрсетілім жүргізіледі.
