«Астана» ФК «Баден» командасымен жолдастық кездесу өткізеді
Еуропа Лигасы топтық кезеңінің «Янг Бойз» командасына қарсы соңғы ойын алдында «Астана» футбол командасы 1-6 желтоқсан аралығында қысқа мерзімді оқу-жаттығу жиынын өткізеді.
4 желтоқсан күні Швейцария бірінші Лигасының үздік командаларының бірі «Баден» футбол клубына қарсы жолдастық кездесу жоспарланған.
«Баден» клубы 1897 жылы құрылған. Командаға 45 жасар жергілікті маман Томас Йент бапкерлік етеді. Қазіргі таңда «Баден» командасы өз чемпионаттарында 14 турдан кейін екінші орында.
Команданың ең танымал ойыншысы 31 жасар Горан Антич. Ол европаның «Базел», «Аарау», «Грассхоппер», «Винтертур» және «Вадуц» сияқты танымал командаларында өнер көрсеткен. Тіпті, Щвейцарияның жасөспірімдер құрамасыда ойнаған. Команда сапынан Доминикандық шабуылшы Люи Люгоны да атап өткен жөн.
