«Атырау» футбол командасының бас бапкері болып Зоран Вулич тағайындалды
«Атырау» футбол командасының жаңа жаттықтырушысы болып, 55 жастағы Зоран Вулич тағайындалды, деп хабарлады «Атырау» футбол клубының баспасөз қызметі.
Зоран Вулич – қорғаныста өнер көрсеткен әйгілі югославиялық футболшы. Өз заманында Хорватияның «Хайдук», Испанияның «Мальорка», Францияның «Нант» командаларында, сондай-ақ, Югославия және Хорватия ұлттық құрамаларында ойнаған.
Хорватияның «Сплит», «Истра 1961», «Риека», сондай-ақ Ресейдің «Луч-Энергии» сынды командаларының жаттықтырушысы болған. Соңғы рет Молдавияның «Шериф» ұжымын басқарып, 2016 жылы өз еркімен орнынан кеткен.
Айта кетейік, «Атыраудың» бұрынғы бапкері Стойчо Младенов жұмысын «Қайсарда» жалғастыратын болады.
