Карлос Алос Феррер - «Қайраттың» бас бапкері
Ел біріншілігінде өнер көрсететін алматылық «Қайраттың» жаңа бас бапкері болып испаниялық маман Карлос Алос Феррер тағайындалды, деп хабарлайды «Қайрат» ФК-ның ресми сайты
Испаниялық маман «Қайраттың» тізгінін маусымның соңына дейін ұстайтын болады.
«Біздің клуб Карлоспен бірнеше уақыт бойы жақсы қарым-қатынаста болып келді. Негізі біз оны жылдың соңында командамызға шақырғымыз келген Бірақ клубта болған соңғы жағдайларға байланысты біз бұл маманды қазір шақыртуға мәжбүр болдық. Келісімшарт жыл соңына дейін жасалды. Біздің жағдайымызды түсініп, Феррерді Қазақстан жастар құрамасында қызметінен босатып, бізге көмектескені үшін Қазақстан футбол федерациясына алғыс біледіреміз. Барлығымызға сәттілік тілеймін!», - деді клуб басшысы Қайрат Боранбаев өзінің Instagram парақшасында.
42 жастағы Феррер Қазақстанда 2015 жылдан бері қызмет етіп келеді. Ол шымкенттегі «Оңтүстік» академиясында екі жыл жұмыс істеп, Қазақстан жасөспірімдер құрамасын баптап келген еді. Қазақстанға дейін ол Испания, Гонконг және Польша елдеріндегі жастар мен жасөспірімдер академияларында жұмыс істеген.
Карлос Алос Феррер мансабында тек бір рет қана кәсіпқой футбол клубының бапкері болған. 2015 жылдың қаңтары мен мамыры аралығында «Погонь Седльце» тізгінін ұстап, бар болғаны он кездесу өткізген.
