Футболдан қыздар арасындағы жастар құрамасы екінші орын алды
17 жасқа дейінгі Қазақстан қыздар құрамасы Грузияда өткен «Даму Кубогының» соңғы матчында Румыниядан басым түсті.
Кездесу Тбилиси қаласындағы Давид Петриашвили атындағы стадионда өтті. Біздің қыздар Румыния құрамасын 2:0 есебімен ұтты. Дубль авторы – шабуылшы Татьяна Герасимова.
Қазақстан құрамасы «Даму Кубогы - 2018» халықаралық турнирінде екі ойында жеңіске жетіп, бір ойында ұтылып, жарысты екінші орында аяқтады.
olympic.kz
