"Қайрат" ФК жаңа бас бапкерін таныстырды
Алматылық "Қайрат" футбол клубының бақылаушы кеңесінің төрағасы Қайрат Боранбаев команданың оқу-жаттығу базасының баспасөз залында жаңа бапкерлік құрамды таныстырып, өткен маусымға қорытынды жасады. Алдағы уақытта алматылық клубтың бас бапкері қызметін белорус маманы Алексей Шпилевский атқарса, оның көмекшілері ретінде Христос Пападопоулос пен Томми Яниген жұмыс жасамақ.
Жаңа бапкер жиын барысында сөз алып, команданы ел кубогындағы жеңісімен құттықтады.
Алексей Шпилевский бапкерлік қызметті Германияның "РБ Лейпциг" және "Штутгарт" клубтарының академиясында бастаған. Оның жаттықтарған соңғы клубы белорустік "Динамо Брест" командасы.
Айта кетерлігі 30 жастағы Алексей Шпилевский Қазақстан премьер-лигасы тарихындағы ең жас бас бапкер ретінде қызмет етпек.
Фото: "Қайрат" футбол клубы
