Globe Soccer Awards-2018 жүлдесіне үміткерлер анықталды

Еуропалық клубтар ассоциациясы мен Еуропалық футбол агенттерінің таңдауымен өтетін жыл сайынғы Globe Soccer Awards-2018 жүлдесіне лайықты футболшылар, клубтар және жаттықтырушылар анықталды.

Жылдың үздік жаттықтырушысы атағына Франция құрамасының бас бапкері Дидье Дешам, Юрген Клопп («Ливерпуль»), Массимилиано Аллегри («Ювентус»), Диего Симеоне («Атлетико Мадрид») және Зинедин Зидан («Реал Мадрид» клубының экс-жаттықтырушысы) таласатын болады.

2018 жылдың үздік командасы номинациясы «Ливерпуль» және мадридтік «Реал» мен «Атлетико» үштігі арасында таңдалады.

Ал жыл қорытындысы бойынша үздік ойыншы атағына Антуан Гризманн ("Атлетико"), Криштиану Роналду ("Ювентус") және Килиан Мбаппе (ПСЖ) үміткер болады.

Естеріңізге сала кетейік, өткен жылғы үздіктер қатарын тек мадридтік «Реал» клубының өкілдері құраған еді.

 Globe Soccer Awards-2018 марапаттау рәсімі 3 қаңтар күні Дубай қаласында өтеді.

Фото:  Globe Soccer