Жазира Жаппарқұл Әлем чемпионатында күміс жүлде иеленді
Алматыда өтіп жатқан ауыр атлетикадан Әлем чемпионатында 69 келі салмақ дәрежесінде әйелдер арасында жарыс аяқталды.
Солтүстік Корея елінің спортшысы Ан Хё Рё 265 (120+145) келі көтеріп, Әлем чемпионы атанды. Қазақстандық Жазира Жаппарқұл 262 (118+144) келіні бағындырып, күміс медаль иеленді. Ал, үшінші орынды 261 (118+143) келі зілтемір көтерген қытайлық Ючжань Чен алды.
2012 жылы Лондонда өткен Олимпиада чемпионы Майя Манеза 231 келі көтеріп, 8-ші орынға тұрақтады.
Ауыр атлетика. Әлем чемпионаты. Алматы. Әйелдер. 69 келі. «А» тобы:
1. Ан Хи Ре (ҚХДР) — 265 (120+145) келі
2. Жазира Жаппарқұл (Қазақстан) — 262 (118+144) келі
3. Ючжань Чень (Қытай) — 261 (118+143) келі
8. Майя Манеза (Қазақстан) — 231 (105+126) келі.
Фото: almaty2014iwf.com
