Павлодарлық жеңіл атлеттер эстафетатық жүгіруден республикалық чемпионатта топ жарды

Қазақстанда тұңғыш рет өтен эстафеталық жүгірістен командалық жарыста павлодарлық спортшылар жеңіске жетті, деп хабарлайды Павлодар облыстық дене тәрбиесі және спорт басқармасы. Әйелдер арасында 4х200 және 4х400 метр қашықтықта жүгірген павлодарлық желаяқтар ІІ орын иеленді. Ал, ерлер арасында облыс намысын қорғаған құрама 4х100, 4х400 метр және 4х800 метр қашықтықта І орыннан көрінсе, 4х200 метрде ІІ орын алды. Павлодар облысының намысын қорғаған жастар құрамасы да биіктен көрінді. Атап айтқанда, 800 метр қашықтықта Николай Болибок ІІІ орынға ие болды. 1500 метрге жүгірген Илья Сидоров - І орын, ал Андрей Фандюшин ІІ орынды жеңіп алды. Валентина Степановская 100 және 200 метрге жүгіруден чемпион атанса, Андрей Мищенко осы дисциплинада үздіктер үштігіне енді. Ольга Богомольская есімді жас спортшымыз 5 мың және 10 мың метр қашықтықта І және ІІ орын иеленді.