ATP. Kremlin Cup. Мәскеу. Финал. Кукушкин vs Гаске

Әлемнің 102-ші ракеткасы 25 жастағы қазақстандық теннисші Михаил Кукушкин Мәскеуде өткен Кремль Кубогының финалында әлемнің 10-шы ракеткасы, франциялық Ришар Гаскемен кездесіп, 6:4, 4:6, 4:6 есептерімен жеңілді.

Естеріңізге сала кетейік, теннисшілер бұған дейін бір рет кездескен. Өткен жылы Торонто қаласында өткен «Мasters» сериясында Гаске Кукушкинді 6:3, 7:5 есептерімен жеңген еді.

Михаил Кукушкин Мәскеуде өтіп жатқан турнирдің іріктеу кезеңінде ресейлік Кирилл Кравчукті 6:1, 6:3, АҚШ-тың намысын қорғайтын Александр Богомоловты 6:4, 6:1 есептерімен ұтты. Әріқарай украиналық Александр Долгополовтан 6:4, 6:4 есебімен басым түсіп, ширек финалға жолдама алды.

Ширек финалда тағы бір қазақстандық теннисші Андрей Голубевті 6:4, 7:6 есебімен жеңді. Жартылай финалда өткен жылғы осы турнирдің жеңімпазы италиялық Андреас Сеппиден 6:1, 1:6, 6:4 есебімен басым түсті.

Айта кетейік, Мәскеуде өтіп жатқан АТР турнирінің жалпы жүлде қоры – 823 550 мың АҚШ доллары.