Федерер Қазақстан құрамасын жартылай финалға өткізбеді
Дэвис Кубогының ширек финалындағы Швейцария мен Қазақстан арасындағы шешуші кездесуде Роджер Федерер мен Андрей Голубев кездесті.
Бұл ойында әлемнің төртінші ракеткасы, атақты швейцариялық теннисші Роджер Федерер 7/6(0), 6/2, 6/3 есебімен жеңіске жетіп, Қазақстан құрамасын жартылай финалға өткізбеді.
Бұған дейін, Михаил Кукушкин Станислас Вавринкаға 7/6(4), 4/6, 4/6, 4/6 есебімен жол берген еді.
Айта кетейік, Швейцария құрамасы 11 жылдан кейін алғаш рет Дэвис Кубогының жартылай финалына жолдама алды. Олардың келесі қарсыласы – Италия.
