Малайзия турнирінің ширек финалына Зарина Диас бірінші шықты
Малайзия астанасы Куала-Лумпурде өтіп жатқан WTA турнирінде қазақстандық теннисші Зарина Диас ширек финалға шықты. Ол екінші айналымда италиялық Джулия Гатто-Монтиконеден 6:1, 6:4 есебімен басым түсті. Ойын 1 сағат, 11 минутқа созылды.
Айта кетейік, Зарина Диас әлемдік рейтингте 93-ші, ал Джулия Гатто-Монтиконе 237-ші орында. Бұл – теннисшілердің алғашқы кездесуі.
Естеріңізге сала кетейік, қазақстандық теннисші бірінші айналымда 31 жастағы грекиялық Елена Данилидуді 6:2, 6:2 есебімен ұтқан еді.
