Roland Garros. Александр Недовесов екінші айналымға өтті
Қазақстандық теннисші Александр Недовесов Парижде өтіп жатқан Франция ашық біріншілігі - Roland Garros турнирінде екінші айналымға өтті.
Александр Недовесов алғашқы айналымда үндістандық теннисші Сомдев Девварманнан басым түсті. Есеп: 5/7, 6/3, 7/6 (4), 6/3.
Келесі айналымда Недовесов чехиялық Томаш Бердыхпен кездеседі. Ол бірінші айналымда канадалық Петер Поланскиді ұтты. Есеп: 6/3, 6/4, 6/4.
