Андрей Голубев «Ролан Гаррос» турнирінің жартылай финалына өтті
Қазақстандық теннисші Андрей Голубев және австралиялық Сэмюэл Грот жұбы жұптық сайыста Францияның ашық біріншілігі - «Ролан Гаррос» турнирінің жартылай финалына өтті, деп хабарлайды ҚазАқпарат.
Ширек финалда олар Лукаш Кубот/Роберт Линстедт поляк-швед жұбынан 6:3, 6:3 есебімен басым түсті.
Енді жартылай финалда Голубев пен Грот француз спортшылары - Жюльен Беннето мен Эдуард Роже-Васслен және аргентиналық Максимо Гонсалес пен Хуан Монако жұптарының жеңімпаздарымен кездесетін болады.
Еске сала кетейік, үшінші айналымда Голубев пен Грот қарсыластары Джек Сок (США) пен Жоао Соуза (Португалия) жұбын 6:4, 6:3 есебімен жеңген болатын.
