Астанаға Рафаэль Надаль келеді
Қыркүйектің 24-25 күндері Астанаға аты аңызға айналған испан теннисшісі, жекелей сында «Үлкен дулыға» сериясының 14 турнирінің жеңімпазы, Олимпиада чемпионы Рафаэль Надаль келеді, деп хабарлайды ҚР Мәдениет және Спорт министрлігінің баспасөз қызметі.
Осыған байланысты Рафаэль Надаль Мемлекет басшысымен кездесіп, «Кешкі Астана» (Astana Opera Hous, Бәйтерек, Пирамида, Тәуелсіздік алаңы, Хан-Шатыр ғимаратына саяхат) шарасына қатысады. Сондай-ақ, «Haileybury Astana» халықаралық мектеп-пансионатына барады. Шара соңында баспасөз мәслихатын және жастармен шеберлік сыныптарын өткізеді.
Фото: © Getty Images\Fotobank.ru. Clive Brunskill
