Қазақстан Дэвис Кубогында ТОП-10 қатарында
Халықаралық теннис федерациясы Дэвис Кубогына қатысушы елдердің жаңа рейтингісін жариялады.
Бірінші орында 2013 жылдың чемпиондары – чехиялықтар. Екінші орынға Франция құрамасы көтерілсе, сербиялық теннисшілер бір сатыға төмендеп, үшінші орынға тұрақтаған.
Қазақстан құрамасы бұл тізімде оныншы орнын сақтап қалды. айта кетейік, бұл посткеңестік кеңістіктегі басқа елдер арасындағы ең жоғарғы нәтиже. Мысалы, Украина – 18-ші, Өзбекстан – 22-ші, Ресей – 33-ші, Литва – 37-ші, Латвия – 42-ші, Молдавия – 46-шы, Беларусь Республикасы – 56-шы, Эстония – 66-шы, Грузия – 84-ші, Түркіменстан – 100-ші, Армения – 110-шы, Қырғыз Республикасы – 122-ші, Әзірбайжан – 129-шы.
Дэвис Кубогының үздік ондығы:
1. Чехия — 40375,00;
2. Франция — 16725,00;
3. Сербия — 16125,00;
4. Швейцария — 14612,50;
5. Испания — 14125,00;
6. Аргентина — 12406,25;
7. Италия — 9146,88;
8. АҚШ — 6931,25;
9. Канада — 6728,13;
10. Қазақстан — 4653,13.
