Зарина Диас Әлемдік рейтингте өз орнын сақтап қалды
Бүгін халықаралық теннис қауымдастығы ерлер және әйелдер арасындағы рейтингін жаңартты. Жаңа рейтингте Зарина Диас 32-орнын сақтап қалды.
Өткен аптада Зарина ВNP Paribas Open турнирінің үшінші айналымында Әлемнің бірінші ракеткасы америкалық Серена Уильямстан екі сетте 6:2, 6:0 есебімен ұтылып қалған. Енді, Зарина Диас Miami Open турнирінде бақ сынайды.
Ал, Ярослава Шведова 14 саты төмен сырғып, 74-орыннан көрінді. Юлия Путинцева 6-орын жоғарылап 101-орынға жайғасты.
Ерлер арасындағы рейтингте Михаил Кукушкин 827 ұпаймен 57-орынға төмендеді. Андрей Голубев 92-орыннан 89-орынға, Александр Недовесов 118-орынын сақтап қалды.
