Ярослава Шведова WTA рейтингісінде 19 сатыға жоғарылады
Қазақстандық теннисші Ярослава Шведова Әйелдер теннисі қауымдастығының (WTA) жаңартылған рейтингісінде 19 сатыға көтерілген.
Өткен аптада Ярослава Шведова Боготтағы (Колумбия) Claro Open Colsanitas турнирінің финалына дейін жетіп, бразилиялық Телиана Перейраға 6:7, 1:6 есебімен ұтылған еді. Осы турнирдегі жеңістері арқасында Ярослава Шведова рейтингте 75-тен 56-шы орынға көтерілген.
Ал, Қазақстанның бірінші ракеткасы Зарина Диас WTA рейтингісінде бір сатыға төмендеп, 32-ші орынға тұрақтаған. Сонымен қатар, Юлия Путинцева 102-ден 107-ші орынға төмендеген.
