Дэвис Кубогы. Александр Недовесов Қазақстан құрамасын 2:0 есебімен алға шығарды
Бүгін Австралияның Дарвин қаласында Дэвис Кубогы аясында ширекфиналдық Австралия-Қазақстан матчтары басталды.
Бірінші жарыс күнінің екінші кездесуінде Александр Недовесов пен Ник Киргиос кездесіп, қазақстандық теннисші 3:1 (7:6; 6:7; 7:6; 6:4) есебімен жеңіске жетті.
Ал, оған дейін австралиялық Танаси Коккинакис пен қазақстандық Михаил Кукушкин кездесіп, отандасымыз 3:0 (6:4; 6:3; 6:3) есебімен ұтқан еді.
Енді ертең Александр Недовесов-Андрей Голубев және Ллейтон Хьюит-Сэм Грот жұптары сынға түседі.
Ойынды «KAZsport» телеарнасы сағат 07:20-да тікелей эфирде көрсетеді.
