Александр Недовесов ATP рейтингісінде 20 орынға көтерілді
Қазақстандық теннисші Александр Недовесов Кәсіпқой-теннисшілер Ассоциациясында (АТР) 20 орынға көтерілді.
Өткен аптада А.Недовесов Қазақстан Ұлттық құрамасы сапында Дэвис Кубогының ширек финалында Австралия теннисшілеріне қарсы ойнаған еді.
Ол алғашқында Австралия құрамасының №1 ракеткасы Ник Кирьосты ұтса, шешуші матчта Ллейтон Хьюитке есе жіберді.
Енді жаңартылған АТР рейтингісінде А.Недовесов үздік 100 теннисшінің қатарына қосылып, 95-ші орынға тұрақтады.
Ал, Қазақстанның ерлер арасындағы бірінші ракеткасы Михаил Кукушкин Дэвис Кубогында бір рет жеңіп, бір ұтылғаннан кейін бес сатыға көтеріліп, қазір 58-ші орында. Андрей Голубев болса 156-шы орыннан көрінді.
