Теннистен Қазақстан Ұлттық құрамасы Федераця Кубогында Қытай құрамасынан жеңіліп қалды

Теннистен қыздар арасындағы Қазақстан Ұлттық құрамасы Тайландта өтіп жатқан Азия және Тынық Мұхиты Федерация Кубогында қытайлық теннисшілерге есе жіберді. I тобының үшінші ойынында қазақстандық теннисшілер Қытай спортшыларынан жалпы есепте 0:2 есебімен жеңілді. Алғаш Галина Воскобоева қарсыласы Цян Ваннан екі сетте 2:6, 2:6 есебімен жеңілсе, Юлия Путинцева Сайсай Женгтен - 3:6, 3:6 есебімен ұтылды. Екі ойында да қытайлық теннисшілер жеңіске жеткен соң жұптық кездесу өтпеді. Айта кетейік, Федерация Кубогының бірінші ойынында Қазақстан құрамасы оңтүстіккореялық теннисшілерді ұтса, екінші ойында Қытай Тайпейі құрамасыннан жеңілген.