Зарина Диас WTA рейтингінде 95-орынға төмендеді
Теннистен Қазақстанның экс-бірінші ракеткасы Зарина Диас WTA рейтингінде 11 саты төмендеп, 95-орынға тұрақтады.
Өткен аптада Зарина Диас Дохада өткен турнирдің алғашқы айналымында ұтылып қалған болатын. Сөйтіп, бұл аптадағы жаңартылған рейтингте 95-орыннан көрінді.
Ал, Қазақстанның қазіргі бірінші ракеткасы Юлия Путинцева Доха турнирінің екінші айналымына дейін жетіп, рейтингтегі орнын жақсартып алды. Юлия Путинцева жаңартылған рейтингте 1 саты жоғарылап, 55-орынға көтерілді.
Ярослава Шведова жаңартылған рейтингте 72-орында.
