Дэвис Кубогы. Бүгін «Kazsport» Сербия-Қазақстан арасындағы 2 матчты тікелей эфирде көрсетеді
Бүгін Белградта (Сербия) Дэвис Кубогының Әлемдік тобындағы 1/8 финалы аясында Сербия мен Қазақстан арасындағы ойындар басталады.
Бұл матчтарды «Kazsport» телеарнасы тікелей эфирде көрсетеді. Алғашқы кездесу сағат 18:50-де, ал 2-ші ойын 21:30-да басталады.
Айта кетейік, Қазақстан Ұлттық құрамасының капитаны Диас Досқараев сербиялықтарға қарсы матчқа Михаил Кукушкин, Александр Недовесов, Андрей Голубев пен Дмитрий Попконы шақырған.
Ал, Сербия сапында әлемнің 1-ші ракеткасы Новак Джокович, Виктор Троицки, Филип Крайинович және Ненад Зимонич ойнайтын болды.
