Зарина Диас «Miami open» турнирінде әлемнің бірінші ракеткасы Сереана Уильямспен кездеседі
АҚШ-тың Майами қаласында теннистен өтіп жатқан «Miami open» турнирінде қазақстандық теннисші Зарина Диас үшінші айналымға шықты.
Жүлде қоры 6,1 млн доллардан асатын жарыстың екінші айналымында әлем рейтингте 97-орында тұрған Зарина Диас әлемнің 34-ракеткасы австралиялық Дарья Гаврилованы 7:5, 6:3 есебімен ұтты.
Үшінші айналымда Зарина Диас әлемнің бірінші ракеткасы америкалық Серена Уильямспен күш сынасады.
Еске сала кетейік, былтыр Зарина Диас Индиан-Уэллс турнирінің үшінші айналымында СеренаУильямске 2:6, 0:6 есебімен есе жіберген болатын.
