Шведова әлемнің 15-ші ракеткасынан басым түсті
Бүгін қытайлық Ухань қаласында өтіп жатқан «Donfeng Motor Wuhan Open» турнирінің екінші айналымдық матчтары өтті.
Қазақстандық Ярослава Шведова екінші кезеңде италиялық Роберта Винчимен кездесіп, екі сетте жеңіске жетті - 7:5, 6:2. Әлемнің 15-ші ракеткасына қарсы өткен кездесу 1 сағат, 13 минутқа созылды.
Ярослава енді турнирдің үшінші айналымында әлемнің бесінші ракеткасы румыниялық Симона Халеппен кездеседі, Лондон Олимпиадасында Шведова оны бірінші айналымда жеңген болатын.
Айта кетейік, Қытайда өтіп жатқан аталмыш турнирдің жүлдеқоры 2 589000 АҚШ долларын құрайды.
