Қазақстан және Хорватия құрамалары арасындағы Дэвис кубогіні жеребесі тартылды
Хорватияның Вараждин қаласында теннистен Қазақстан және Хорватия құрамалары арасындағы Дэвис кубогінің жеребесі тартылды.
Жекелей және жұптық сындағы ойындар 6 және 8-сәуір аралында "Вараждин Арене" спорт кешенінде өтеді. Командалар құмды кортта ойнайтын болады.
Бірінші болып кортка Дмитрий Попко мен Марин Чилич шығады. Сондай-ақ, жұма күні Михаил Кукушкин мен Борна Чорич кездеседі. Жұптық сайыста отандастарымыз Александр Недовесов пен Тимур Хабибуллин корт қожайындары Иван Додиг пен Николай Мектичпен күш сынасады.
Ал соңғы ойын күні Кукушкин - Чилич және Попко - Чорич арасындағы кездесулер жоспарланған.
Айта кетейік, теннистен Қазақстан құрамасы Дэвис кубогінің әлемдік кезеңінде жеті рет өнер көрсетіп, бес рет доданың ширек финалына шыққан.