Қазақстандық теннисшілер жаңартылған рейтингте төмен түсіп қалды
Теннистен ATP және WTA рейтингтері бойынша теннисшілердің жаңартылған тізімі жарияланды. Аталған рейтингтегі қазақстандықтар бірнеше сатыға төмен түсіп қалды.
Ерлер арасында үздік жүз спортшылар арасына енген Михаил Кукушкин үш саты төмендеп 84-ші орынға жайғасты. Ал, Александр Бублик болса 11 орын жоғалтып, 192-ші болды.
Рейтинтің үздік үштігіне де өзгеріс енді. Әлемнің бірінші нөмірі болып Рафаэель Надаль қалса, екінші орын швейцариялық Роджер Федерердің еншісінде. Ал, US Open турнирінде жеңіске жеткен сербиялық Новак Джокович үшінші орынға көтерілді.
Әйелдер арасында үздік үштікті Симона Халеп, Каролин Возняцки және Анжелик Кербер түйіндеп тұр. Қазақстандық теннисшілер Юлия Путинцева 55-ші орынға түсіп қалса, Зарина Дияс 65-ші орынға орнықты.
