Қазақстан теннисшілерінің Дэвис кубогіндегі алғашқы қарсыласы анықталды
Лондонда теннистен Дэвис кубогінің жеребесі тартылды. Жеребе нәтижесі бойынша Қазақстан құрамасының алғашқы қарсыласы болып Португалия спортшылары таңдалды.
Бес кездесуден тұратын бәсеке 1-2 ақпан күндері елордада өтетін болады.
Естеріңізге сала кетейік, Дэвис кубогінің биылғы маусымында Қазақстан құрамасы 1/8 финалда Швейцария теннисшілерін 4:1 есебімен жеңіп, ширек финалда хорват спортшыларына жол берген еді.
