Головкин мен Стивенстің жекпе-жегін «KAZsport» тікелей эфирде көрсетеді
3-қараша күні Нью-Йорктің Мэдисон Сквер Гарден алаңында қазақстандық боксшы Геннадий Головкин мен америкалық Кертис Стивенстің кездесуі өтеді.
Әлем чемпионы атағы үшін болатын жекпе-жекті сағат 07.45-те «KAZsport» және «Қазақстан» Ұлттық телеарнасы арнасы тікелей эфирде ұсынады.
Генадий Головкин соңғы жекпе-жегін биылғы жылдың 30-маусымында америкалық Мэттью Маклинге қарсы өткізіп, WBA нұсқасындағы Әлем чемпионы атағын қорғап қалған болатын.
Біздің анықтама:
Геннадий Головкин 1982 жылы 8-сәуірде Қарағанды қаласында туған. Қазақстан Республикасының спорт шебері.
2000 жылы жастар арасындағы Әлем чемпионы;
2001 жылы ІІІ Шығыс Азиялық ойындардың чемпионы;
2003 жылы Әлем чемпионы атағын қорғады;
2004 жылы Афины Олимпиадасының күміс жүлдегері;
2006 жылы кәсіби боксқа өтіп, 2011 жылы WBA, IBO дәрежелері бойынша Әлем чемпионы атағын қорғады.
Кертис Стивенс 1985 жылы 10-наурызда Нью-Йорктің Браунсвилл ауданында туған.
Спорттағы қадамын 2004 жылы әуесқой бокстан бастады. Екі жыл ішінде өткізген 13 кездесуінің бәрін жеңіспен аяқтаған.
2006 жылы венесуэлалықМарк Премьермен өткен жекпе-жекте жеңіске жетті;
2007 жылы америкалық Андре Диррелді ұтты.
2009 жылы польшалық Петр Вильчевскийге қарсы өткен жекпе-жекте жеңді.
Кертис Стивенс екі жыл бокстан қол үзіп, 2010 жылдан бастап рингке қайта оралды. Биылғы жылғы Кертис Стивенстің соңғы кездесуі мексикалық Сауля Романға қарсы өтті. Ол бұл жарысын да жеңіспен аяқтады.
