Эрисланди Лара Головкинмен кездескісі келетінін жариялады
WBA нұсқасы бойынша орта салмақтағы уақытша Әлем чемпионы Эрисланди Лара өзінің әлеуметтік желідегі парақшасында қазақстандық Геннадий Головкинмен кездескісі келетінін жариялады.Оның айтуынша, Головкиннің командасы бұл ұсынысқа әзірге жауап қайтармаған.
30 жастағы кубалық боксшы соңғы кездесуін 6-шілдеде АҚШ-тың Карсон қаласында мексикалық Альфредо Ангулоға қарсы өткізіп, уақытша Әлем чемпионы атағын алған болатын.
Оның келесі кездесуі 7-желтоқсанға Лас-Вегас қаласында америкалық Остин Траутқа қарсы өтеді.
Геннадий Головкин соңғы кездесуін қарашаның 2-де америкалық Кертис Стивенске қарсы өткізіп, WBA нұсқасында орта салмақтағы Әлем чемпионы атағын қорғап шықты. Қазақстандық боксшы келесі кездесуін 2014 жылы 1-ақпанда Монте-Карлода өткізеді. Қарсыласы әлі анықталған жоқ.
