Бейбіт Шүменовті әлсіз чемпиондар қатарына енгізіп қойды
Таяуда Дүниежүзілік бокс қауымдастығының (WBA) тұжырымы бойынша «суперчемпион» атағына ие болған Бейбіт Шүменов әлемдегі ең әлсіз чемпиондардың бестігіне енді. Бұл рейтингті ProBoxing-Fans.com порталы құрастырды.
Рейтинг авторлары Бейбіт Шүменовтің техникасы жақсы, алайда ол кәсіпқой боксқа тым кеш келді дейді. 30 жастағы қазақстандық боксшыға жартылай ауыр салмақтағы нағыз үміткерлермен жолықпаған жөн дейді олар.
Бұл тізімге жапондық Такаси Миура (бірінші жеңіл салмақтағы әлем чемпионы, BWC) испандық Кико Мартинес (екінші жеңіл салмақтағы әлем чемпионы, IBF) перулік Альберто Россель (бірінші жеңіл салмақтағы уақытша әлем чемпионы, WBA) және 2 желтоқсанда WBA тұжырымы бойынша чемпиондық атақтан айырылған венесуэлалық Либорио Солис енгізілген.
