Геннадий Головкин «Жыл боксшысы» атағынан үмітті

Бокс туралы жазатын америкалық журналистердің қауымдастығы (BWAA) алғаш рет Геннадий Головкинді «Жыл боксшысы-2013» сыйлығына үміткер ретінде қосты. Қазақстандық боксшыдан басқа, бұл тізімде жылдың ең үздік былғары қолғап шеберлері  -  Флойд Мейвезер, Сергей Ковалев, Тимоти Брэдли және Дэнни Гарсия бар.

Геннадий Головкин 2013 жылы чемпиондық атағын төрт рет қорғады. Оның үшеуі АҚШ-та өтіп, НВО телеарнасы көрсетті. Ол барлық жекпе-жекті мерзімінен бұрын аяқтады. Қазіргі таңда Геннадий Головкин чемпионадар арасында ең үздік нокаутшы дәрежесін сақтап тұр.  

Кәсіпқой боксшылар үшін ең атақты саналатын жүлде Шугар Рэй Робинсонның құрметіне аталып, 1938 жылдан бері табысталып келеді.  Соңғы үш жылда бұл аталым бойынша Серхио Мартинес (2010), Андре Уорд (2011) және Нонито Донэр (2012) үздік деп танылды. Ал 2006, 2008, 2009 жылдары бұл атақты Мэнни Пакьяо иеленді.

Сонымен қатар Геннадий Головкиннің дәріптейтін Абель Санчес те «Жыл бапкері - 2013» атағынан үмітті бестікке енді. Эдди Фатч құрметіне аталған бұл сыйлықтан Фредди Роуч, Шугар Хилл, Анхель Гарсиа және Флойд Мейвезердің үлкені де үмітті.